مساء الخير والمحبه على احلى اعضاء
منتدى انوار الثقلين وحبيت انقللكم بعض
الابوذيات وارجو المشاركه
.
.
بسواد العين يسمر ... من ترابي
شعجب كلبك تغير .... من ترابي
انا ماظنن ترابك ..... من ترابي
حضنتك والعسل جلب بديه
.
يهل رايح لاهلنا ...... سلمنه
الليالي بيد غربه...... سلمنه
عنبنا ولا حوينه ....... سله منه
خسرنه العنب والسله سويه
.
الف وسفه الوكت عنك .... بعدني
اموت وارتجي وصلك ..... بعدني
تره اني على العهدباقي ... بعدني
ويظل هذا العهد للموت بيه
.
اصد وازعل عليك اليوم ..... طبعا
ولك لجمات وسط الكلب ..... طبعا
جميل وحلو لاكن بيك ..... طبعين
تصد وتغار من روحك عليه
.
هوينه ومن هوينه ..... ومن هوينه
غشمه وما عرفنه ...... من هوينه
اليوافي بالمحبه ......... منهو وينه
اذا تلكاه اكص اثنين ايديه
.
شلون تخون وانت احلفت ... بايات
مزلاكه اطلعت مو درج....... بايات
تريد تروح مو بس باي .... بايات
واليرجع الف نعله على ابيه
.
عشرتك روحي صدك .... ما تمله
وكلبي ايام سعدك ........ ما تمله
اريد انصب لروحي ....... مأتم اله
واشوفك هم تجي وتبجي عليه
.
لو تعرفني احبك ...... واشتمنك
ولأن منطي للواشي... واشتمنك
اريد اليوم احضنك ..... واشتمنك
واشوفك هم تذب روحك عليه
.
على دوم الليالي تلف ..... ودور
ولاجلك رخصيت الذهب ... والدر
احبك من زمان الدار ....... والدور
شعجب لمن كبرنه تخون بيه
.
عشكتك من صغر سنك ..... ويهلك
اليحبك ليش يتعذب .......... ويهلك
اغار عليك من تمشي ....... ويهلك
لاجن ويه الغريب شلون بيه
.
مع تحياتي لكم واتمنالكم الموفقيه
المزاج
